No kan du bu behageleg på telttur. Her kan du nyta skogens ro i ein romsleg og glamorøs lavvo, med kort veg til siviliserte fasilitetar. Om du vil vakna til fuglekvitter eller dalande nysnø avheng av sesongen og vergudane, men me kan lova ein unik og behageleg overnatting i naturen. Me har gleda av å vera dei fyrste som byr på glamping på Voss, og ynskjer dykk hjarteleg velkomne.

Glamping betyr å bu i eit stort telt som er koseleg og stilig innreda med senger, bord og stoler. Du kan sei farvel til tronge soveposar. Hos oss søv du i dyner og puter med sengetøy, og ein vedomn gjev lun varme i teltet; ein Tentipi Aurum 33, som er det ypperste innan luksustelt.